Madaxweyne Sheekh Shariif Sheekh Axmed wuxuu maantay oo Axad ah taariikhduna tahay 12 ka  uu qabtay shir jaraa’id.

1. Waxaan tacsi tiiraanyo leh u dirayaa geesiyada ciidankeenna iyo dadka aan waxba galabsan eek u dhintay dagaalladii dhawaanatan. Waxaan u baryayaa kuwii ku dhaawacmay hawlgalladan in Eebbe caafimaad deg deg ah siiyo 

2. Waxaan mahad u celinayaa halyeeyada ciidamadeenna iyo dadkeenna kuwaasoo si geesinimo le uga hortagaya kooxaha argagixisadaa ee kusoo duulay waddankeenna

3.  Waxaan u baahannahay in aan hanano hurumarka iyo guulaha aannu manta gaarney si xasiloono iyo nabadgelyo loogu soo dabbaalo waddanka. Waxaan soo dhaweyneynaa taageerada dadkayaga, waxaana ka codsanaynaa in ay kazoo horjeestaan kuwa u diidan nabadda.

4.  Waxaan si weyn dhaleecayn ugu jeedineynaa kooxaha argagixisadaa ee duullaanka kusoo qaaday dowladda iyo dadkeeda si  ay u fuliyaan qorshaha Al-Qaacida ayagoo diinteenna si qaldan u adeegsanaya.

Waa ayaan darro in dhallinta Soomaaliyeed ay dadkooda duullaan kusoo qaadaan oo ay u keenaan dhimasho, bur bur, fawdo iyo barakac ayagoo u qaba in ay diintooda u adeegayaa

6. Waxaa jira dowlado iyo ururro quudiya argagixisada iyo falalkeeda ayagoo siinaya hub iyo lacag. Falalkani waxay khatar ku yihiin Soomaaliya, gobolka iyo adduunyada

7.  Socdaalkii aan dhawaan ku tagey Igaad iyo Liibiya wuxuu ahaa mid miradhal leh faa’iidana u leh dowladda iyo dadkeeda.

8. Shirkii AU da ee ka dhacay liibiya, dhammaan madaxda Afrikaanku waa aay na taageereen.

Shirku wuxuu isku raacay in golaha ammaanka ee qaramada midoobay loo gudbiyo hirgelinta cunaqabatayn lasaaro Eriteriya iyo ururada kale ee taageera kooxahaas xasilooni darrada ka wada waddanka.

9. Dhammaan hoggaamiyeyaasha Igaad ee aan booqday waxay noo muujiyeen in ay ka go’antahay diiyarna u yihiin in ay taageeraan Soomaaliya.

10. Waxaan soo dhaweyneynaa qudbaddii Madaxweyne Barak Obama uu shalay jeediyey waana la wadaagnaa fahankiisa ah in dhibaatada Soomaaliya haysta ay u baahantahay wax ka qabadka beesha caalamka. Tani waxay daliil kale oo dheeraada u tahay taageerada aan ka haysanno hoggaamiyeyaasha dunida.

11. Waxaan dadka Soomaaliyeed kuleeyahay, manta waa maalintii aannu midoobi lahayn, oo aannu dowladda taageerilahayn si ay dalka nabagelyo iyo xasilooni ugusoo dabbaasho. Maanta waa maalintii aannu diidilahayn dagaalyahannada qalaad ee waddankeenna soo galaya. Maanta waa maalintii aanu diicanlahayn qarannimadeenna, diinteenna iyo sharafteenna. Caruurteena waxaa loo diidey xuquuqdoodii waxbarasho. Dhallinteenna waxaa loo diidey xuquuqdoodii ay kula tartami lahaayeen asaaggooda dumida kunool. Dhib intaa haynooga ekaato aana midowno si aannu dhibaatooyinkan wax uga qabano. Dhammaanteen xilbaa inaga saran in aan fududayno wada shaqaynteenna si’ aannu nabadgelyo iyo xasilooni ugu soo dabbaalno wadankeenna.

CODSI 

1. Waxaan ku boorriyayaa beesha caalamka in ay sii waddo taageeradeeda dowladda iyo dadka la laynayo ee soomaalidaa iyo kuwii barakacay oo lagasii barokicinayo gudaha dalka Soomaaliya. Waxaan beesha caalmaka ku boorriyayaa in ay dowladda taageero dhan walba ah siiso waqtigaan adag, khaasatan waxaan ka codsanayaa waddamadii ballan qaadka lacageed Soomaaliya u sameeeyey in ay oofiyaan ballan qaadyadaas.